سلام ویب بروزر سروس کی شرائط

آخری نظرِثانی: November 27, 2019

ان شرائط میں کیا ہے؟
یہ شرائط (“شرائط”) آپ کو ان اصولوں کے متعلق بتاتی ہیں SalamWeb مصنوعات اور خدمات جن کے تابع ہیں، جیسے کہ SalamWeb براؤزر، SalamToday (طرزِ زندگی کا ویب پورٹل)، SalamNews (خبریں جمع کرنے والا)، SalamChat (ہر کسی کے لیے چیٹ کی سروس) اور دیگر ڈیجیٹل مصنوعات (بشمول ایپلیکیشنز) اور آن لائن خدمات (“SalamChat مصنوعات اور خدمات”)۔

ہم کون ہیں اور ہم سے رابطہ کیسے کرنا ہے
مصنوعات اور خدمات Salam Web Technologies DMCC (“ہم” / “ہمیں”، “SalamWeb”) کی جانب سے چلائی جاتی ہیں۔ ہم ایک محدود کمپنی ہیں جو دوبئی میں کمپنی نمبر DMCC95177 کے تحت رجسٹرڈ ہے اور ہمارے رجسٹرڈ دفتر کا پتہ ہے Unit No: I5-PF-118, Detached Retail I5, Plot No. JLT-PH1-RET-I5, Jumeirah Lakes Towers, Dubai, United Arab Emirates یا اس کی ذیلی کمپنی – Salam Web Technologies MY Sdn Bhd, 1 Sentral, Jalan Stesen Sentral 5, Brickfields, Kuala Lumpur, Federal Territory of Kuala Lumpur, Malaysia۔
ہمارے ساتھ رابطہ کرنے کے لیے، براہِ کرم [email protected] پر رابطہ کریں۔

آپ کی ان شرائط کی قبولیت
SalamWeb مصنوعات اور خدمات کو استعمال کرتے ہوئے آپ تصدیق کرتے ہیں کہ اس دستاویز میں شامل شرائط و ضوابط کو اور رازداری کے نوٹس (“رازداری کا نوٹس”) کو قبول کرتے ہیں اور یہ کہ آپ ان کی تعمیل کرنے سے اتفاق کرتے ہیں۔ استعمال کی شرائط و ضوابط اور رازداری کے نوٹس کا مجموعی طور پر بطور “شرائط” حوالہ دیا جاتا ہے۔
اگر آپ ان شرائط سے اتفاق نہیں کرتے، تو آپ کو قطعی طور پر SalamWeb مصنوعات اور خدمات استعمال نہیں کرنی چاہیئیں۔
بنیادی شرائط انگریزی زبان میں ہوں گی۔ جہاں ہم نے آپ کو ان شرائط کے انگریزی ورژن کا ترجمہ فراہم کیا ہے، آپ اتفاق کرتے ہیں کہ ترجمہ صرف آپ کی سہولت کے لیے فراہم کیا گیا ہے اور یہ کہ ہمارے ساتھ آپ کا تعلق شرائط کے انگریزی ورژن کے تابع ہو گا۔
شرائط کا انگریزی زبان کا ورژن جو کچھ کہتا ہے اور ترجمہ جو کچھ کہتا ہے، اگر اس کے درمیان کوئی تضاد ہے، پھر انگریزی زبان کے ورژن کو فوقیت حاصل ہو گی۔
ان شرائطِ استعمال کو قبول کرتے ہوئے آپ تسلیم کرتے ہیں کہ شرائطِ استعمال کا کوئی بھی انحراف یا خلاف ورزی وفاقی فیصلے کے قوانین اور ضوابط (Federal Decree Laws and Regulation) کے تابع ہو گی۔

ہمارا باہر کے سافٹ ویئر اور خدمات کا استعمال
SalamWeb مصنوعات اور خدمات  باہر کے سافٹ ویئر اور خدمات استعمال کرتی ہیں۔
ہمارے ساتھ آپ کے معاہدے میں باہر کے سافٹ ویئر اور خدمات کی شرائط بھی شامل ہوں گی۔  متعلقہ باہر کے لوگوں اور شرائط کی ایک فہرست آپ کو [یہاں] مل سکتی ہے

ہم ان شرائط میں تبدیلیاں کر سکتے ہیں
ہم بالکل اپنی صوابدید پر ان شرائط میں وقتاً فوقتاً ترامیم کر سکتے ہیں۔ شرائط میں کوئی بھی تبدیلیاں ترمیم شدہ یا تبدیل کردہ شرائط کے پوسٹ کیے جانے پر مؤثر ہوں گی۔ ہر بار جب آپ SalamWeb مصنوعات اور خدمات استعمال کرنا چاہیں، براہِ کرم یہ اطمینان کرنے کے لیے ان شرائط کی پڑتال کر لیں کہ آپ ان شرائطِ استعمال کو سمجھتے ہیں جن کا اس وقت اطلاق ہوتا ہے۔ آپ متفق ہیں کہ کی گئی ایسی تبدیلیوں کے بعد آپ کا SalamWeb مصنوعات اور خدمات کا متواتر استعمال آپ کی ان ترمیم شدہ یا تبدیل کردہ شرائط کی غیر مشروط قبولیت تصور ہو گا۔

ہم SALAMWEB مصنوعات اور خدمات میں تبدیلیاں اور تجدید کر سکتے ہیں
ہم اپنے صارفین کی ضروریات کی عکاسی کرنے کے لیے وقتاً فوقتاً SalamWeb مصنوعات اور خدمات میں تجدید یا تبدیلی کر سکتے ہیں۔ ہم کسی بھی بڑی تبدیلیوں کی مناسب اطلاع آپ کو دینے کی پوری کوشش کریں گے۔
وہ سافٹ ویئر جو آپ SalamWeb مصنوعات اور خدمات کے ساتھ ملا کر استعمال کرتے ہیں، وقتاً فوقتاً، خود بخود تجدیدیں (اپ ڈیٹس) انسٹال کر سکتا ہے۔ یہ تجدیدیں SalamWeb مصنوعات اور خدمات کو بہتر بنانے، کارکردگی کو بڑھانے اور انہیں مزید ترقی دینے کے لیے تیار کی گئی ہیں اور یہ نقائص کی اصلاح، افعال کی کارکردگی کو بڑھانے، سافٹ ویئر کے نئے حصے اور بالکل نئے ورژنز کی شکل اختیار کر سکتی ہیں۔ آپ SalamWeb مصنوعات اور خدمات کے اپنے استعمال کی شرائط کے جزو کے طور پر ایسی تجدیدیں وصول کرنے سے متفق ہیں (اور ہمیں یہ آپ تک پہنچانے کی اجازت دیتے ہیں)۔

SALAMWEB مصنوعات اور خدمات کے استعمال کی حدود
آپ SalamWeb مصنوعات اور خدمات صرف ان شرائط کے ذریعے اجازت دیئے گئے مقاصد کے لیے اور کسی بھی قابلِ اطلاق قانون، ضابطے، یا قابلِ اطلاق دائرۂ اختیار میں قبولِ عام روایت کی جانب سے اجازت دی گئی حد تک استعمال کرنے سے اتفاق کرتے ہیں۔ آپ متفق ہیں کہ آپ ایسی کسی سرگرمی میں ملوث نہیں ہوں گے جو آپ کو خدمات فراہم کرنے کے لیے ہماری SalamWeb مصنوعات اور خدمات کی قابلیت میں دخل دے یا اس میں خلل ڈالے۔ ایسے غیر قانونی افعال یو اے ای کے قوانین کے مطابق قابلِ سزا ہو سکتے ہیں۔
ہم آپ کو یا کسی بھی باہر کے فرد کو شرائط کے تحت آپ کے فرائض کی خلاف ورزی پر پہنچنے والی کسی بھی نقصان کے لیے ذمہ دار نہیں ہوں گے۔

ہم SALAMWEB مصنوعات اور خدمات کو معطل یا واپس لے سکتے ہیں
SalamWeb مصنوعات اور خدمات آپ کے ذاتی استعمال کے لیے بلامعاوضہ دستیاب کی جاتی ہیں۔
ہم یہ ضمانت نہیں دیتے کہ SalamWeb مصنوعات اور خدمات، یا اس کا کوئی بھی مواد، ہمشہ دستیاب رہے گا یا اس میں تعطل نہیں آئے گا۔ ہم کاروباری اور عملی وجوہات کی بناء پر SalamWeb مصنوعات اور خدمات مکمل طور پر یا اس کے کسی بھی جزو کی دستیابی کو اپنی صوابدید پر معطل کر سکتے ہیں یا واپس لے سکتے ہیں یا محدود کر سکتے ہیں۔  ہم کسی بھی تعطل یا دستبرداری کی مناسب اطلاع آپ کو دینے کی کوشش کریں گے۔
آپ یہ یقینی بنانے کے لیے بھی ذمہ دار ہیں کہ تمام افراد جو آپ کے انٹرنیٹ کنیکشن کے ذریعے SalamWeb مصنوعات اور خدمات تک رسائی کرتے ہیں ان شرائط سے اور دیگر قابلِ اطلاق شرائط و ضوابط سے آگاہ ہیں، اور یہ کہ وہ ان کی تعمیل کریں گے۔

ذاتی معلومات اور رازداری
آپ اپنے ڈیٹا کو ہمارے رازداری کے نوٹس کے مطابق استعمال کرنے سے متفق ہیں۔

آپ پر اپنے اکاؤنٹ کی تفصیلات محفوظ رکھنا لازم ہے
اگر آپ ہمارے حفاظتی ضوابط کے جزو کے طور پر ایک صارف کا نام، پاس ورڈ یا کوئی بھی دیگر معلومات منتخب کرتے ہیں، یا آپ کو فراہم کیے جاتے ہیں، تو ایسی معلومات کے ساتھ خفیہ معلومات والا سلوک کرنا آپ پر لازم ہے۔ آپ اسے کسی بھی باہر کے فرد پر منکشف نہیں کر سکتے۔
اگر ہماری موزوں رائے میں آپ ان شرائطِ استعمال کی کسی بھی شرط کی تعمیل کرنے میں ناکام رہے ہیں تو ہمیں حق حاصل ہے کہ کسی بھی وقت، کوئی بھی صارف کا نام یا پاس ورڈ، خواہ وہ آپ کا منتخب کردہ ہو یا ہماری جانب سے تفویض کردہ، اسےغیر فعال کر دیں۔
براہِ کرم ذہن نشین رہے کہ یو اے ای کے قانون کے تحت قانونی حق کے بغیر، ایک خفیہ نمبر، کوڈ، پاس ورڈ یا کوئی بھی دیگر ذریعہ جس سے انفارمیشن ٹیکنالوجی کے کسی بھی ذریعے، ویب سائٹ، الیکٹرانک انفارمیشن سسٹم، کمپیوٹر نیٹ ورک یا الیکٹرانک انفارمیشن تک رسائی حاصل کی جا سکے، حاصل کرنا ایک قابلِ سزا جرم ہے جس کی سزا قید یا جرمانہ ہے جو دو ہزار درہم سے زیادہ اور پانچ ہزار درہم سے کم ہو۔
اگر آپ کو علم ہے یا شک ہے کہ آپ کے علاوہ کوئی بھی دوسرا شخص آپ کا صارف کا نام یا پاسورڈ جانتا ہے، تو آپ پر لازم ہے کہ اسی وقت ہمیں [email protected] پر اطلاع دیں۔

آپ SALAMWEB مصنوعات اور خدمات پر مواد کیسے استعمال کر سکتے ہیں
ہم SalamWeb مصنوعات اور خدمات میں، اور اس پر شائع ہونے والے مواد (ماسوائے دیگر کی نشاندہی کی گئی ہو) کے تمام دانشورانہ ملکیت کے حقوق کے مالک یا لائسنس یافتہ ہیں۔ وہ کام حقِ اشاعت کے قوانین اور دنیا بھر میں معاہدوں کے ذریعے محفوظ ہیں۔ ایسے جملہ حقوق محفوظ ہیں۔
آپ SalamWeb مصنوعات اور خدمات سے کسی بھی صفحے (صفحات) کی ایک نقل ذاتی استعمال کے لیے پرنٹ کر سکتے ہیں، اور اقتباسات ڈاؤن لوڈ کر سکتے ہیں اور آپ SalamWeb مصنوعات اور خدمات پر پوسٹ کیے گئے مواد پر اپنی تنظیم کے اندر اندر دوسروں کی توجہ دلا سکتے ہیں۔
آپ پر لازم ہے کہ آپ نے کسی بھی طریقے سے جو کوئی بھی مواد پرنٹ یا ڈاؤن لوڈ کیا ہے اس کی کاغذی یا ڈیجیٹل نقول میں ترمیم نہ کریں، اور پر لازم ہے کہ کوئی بھی تماثیل، تصاویر، ویڈیو یا آڈیو سلسلے یا کوئی بھی تشبیہات جو کسی بھی ہمراہی متن سے الگ ہیں انہیں استعمال نہ کریں۔
ہماری (اور کسی بھی شناخت شدہ حصہ ڈالنے والوں کی) حیثیت بطور SalamWeb مصنوعات اور خدمات پر مواد کے مصنفین کو ہمیشہ تسلیم کرنا لازمی ہے۔
آپ پر لازم ہے کہ SalamWeb مصنوعات اور خدمات پر کسی بھی مواد کے کسی بھی حصے کو تجارتی مقاصد کے لیے ہماری جانب سے یا ہمارے لائسنس یافتگان کی طرف سے ایک لائنس حاصل کیے بغیر استعمال نہ کریں۔
اگر آپ ان شرائط کی خلاف ورزی کرتے ہوئے SalamWeb مصنوعات اور خدمات کے کسی بھی حصے کو پرنٹ، نقل یا ڈاؤن لوڈ کرتے ہیں، آپ کے SalamWeb مصنوعات اور خدمات استعمال کرنے کے حق کو فوری طور پر ختم کر دیا جاتا ہے اور آپ پر لازم ہے کہ، ہمارے اختیار پر، اس مواد جو آپ نے تیار کیا ہے، کی کوئی بھی نقول واپس یا تلف کر دیں۔
براہِ کرم ذہن نشین رکھیں کہ یو اے ای کے قانون کے تحت کسی کی ذاتی ملکیت، ایک فائدے، قانونی وثیقے یا اس کے دستخط پر بغیر قانونی حق کے، قبضہ کرنا، کوئی بھی دھوکہ دہی والا طریقہ استعمال کرتے ہوئے یا ایک غلط نام استعمال کرتے ہوئے، یا کمپیوٹر نیٹ ورک، یا ایک الیکٹرانک انفارمیشن سسٹم یا کسی بھی انفارمیشن ٹیکنالوجی کے ذریعے فرضی شخص بننا،  خواہ وہ اپنے لیے ہو یا کسی دوسرے کی خاطر، ایک قابلِ سزا جرم ہے جس کی سزا کم از کم ایک سال سزائے قید اور جرمانہ ہے جو اڑھائی سو ہزار درہم سے کم اور ایک ملین درہم سے زیادہ نہ ہو (ان دونوں سزاؤں میں سے کسی ایک یا دونوں کا اطلاق ہو گا)۔

اس سائٹ پر موجود معلومات پر انحصار مت کریں
SalamWeb مصنوعات اور خدمات پر موجود مواد صرف عام معلومات کے لیے فراہم کیا جاتا ہے۔ اس کا مقصد کسی بھی موضوع کے متعلق کوئی بھی مشورہ فراہم کرنا نہیں ہے۔ آپ کو SalamWeb مصنوعات اور خدمات پر موجود مواد کے متعلق کوئی بھی کارروائی کرنے، یا کسی عمل سے باز رہنے سے قبل ایک پیشہ ور یا ماہر سے مشورہ حاصل کرنا چاہیئے۔
اگرچہ ہم SalamWeb مصنوعات اور خدمات پر موجود معلومات کو تازہ ترین بنانے کی مناسب کوششیں کرتے ہیں، ہم کوئی نمائندگیاں، اسناد یا ضمانتیں، خواہ ظاہر کرہ ہوں یا محسوس کردہ، نہیں دیتے کہ SalamWeb مصنوعات اور خدمات پر موجود مواد بالکل درست، مکمل یا تازہ ترین ہے۔

ہم باہر کی ویب سائٹوں کے لیے ذمہ دار نہیں ہیں
جہاں SalamWeb مصنوعات اور خدمات میں دیگر سائٹوں کے روابط اور باہر کے لوگوں کی جانب سے فراہم کردہ وسائل شامل ہیں، یہ روابط صرف آپ کی معلومات کے لیے فراہم کیے جاتے ہیں۔ ایسے روابط کی تشریح ہماری جانب سے ان منسلک ویب سائٹوں یا معلومات جو آپ ان سے حاصل کرتے ہیں، کی منظوری کے طور پر نہیں کی جانی چاہیئے۔
ہمارا ان سائٹوں یا وسائل کے مواد پر کوئی قابو نہیں ہے اور ہم اس کے لیے ذمہ دار نہیں ہیں۔

صارف کی جانب سے تیار کردہ مواد کو ہماری جانب سے منظور نہیں کیا جاتا
SalamWeb مصنوعات اور خدمات ایسی معلومات اور مواد پر مشتمل ہو سکتی ہیں جو SalamWeb مصنوعات اور خدمات کے صارفین کی جانب سے اپ لوڈ کیا گیا ہو، بشمول چیٹ رومز میں یا دیگر خدمات میں۔ یہ معلومات اور یہ مواد SalamWeb مصنوعات اور خدمات کی جانب سے جائزہ لیا گیا یا روکا گیا ہو بھی سکتا ہے اور نہیں بھی ہو سکتا۔ SalamWeb مصنوعات اور خدمات پر دیگر صارفین کی جانب سے اظہار کردہ خیالات کا ہمارے خیالات یا اقدار کی نمائندگی کرنا ضروری نہیں ہے۔
اگر آپ دیگر صارفین کی جانب سے اپ لوڈ کردہ معلومات اور مواد کے متعلق شکایت کرنا چاہیں تو براہِ کرم [email protected] پر ہمارے ساتھ رابطہ کریں۔

SalamWeb براؤزر صارفین کے لیے: آپ کے پاس ان ویب سائٹوں کو بلاک کرنے کی صلاحیت موجود ہے جو ایسے مواد پر مشتمل ہو سکتی ہیں جو فلٹر کرنے والے نظام کی جانب سے نازیبا، ناشائستہ یا قابلِ اعتراض ہو۔

قابلِ قبول استعمال کی پالیسی
جب کبھی بھی آپ ایک ایسی سہولت استعمال کرتے ہیں جو آپ کو SalamWeb مصنوعات اور خدمات پر مواد اپ لوڈ کرنے کی اجازت دیتی ہے، یا SalamWeb مصنوعات اور خدمات کے دیگر صارفین کے ساتھ رابطہ کرتے ہیں، تو مندرجہ ذیل قابلِ قبول استعمال کی پالیسی کی پابندی کرنا آپ پر لازم ہے:
آپ SalamWeb مصنوعات اور خدمات صرف قانونی مقاصد کے لیے استعمال کر سکتے ہیں۔ آپ SalamWeb مصنوعات اور خدمات استعمال نہیں کر سکتے:
۔ ایسے طریقے سے جو کسی بھی قابلِ اطلاق مقامی، ملکی یا بین الاقوامی قانون یا ضابطے کی خلاف ورزی کرتا ہے۔
۔ ایسے طریقے سے جو غیر قانونی یا دھوکے باز ہے، یا کسی بھی غیر قانونی یا دھوکے باز مقصد یا اثر کا حامل ہے۔
۔ کسی بھی طریقے سے نابالغوں کو نقصان پہنچانے یا نقصان پہنچانے کی کوشش کرنے کے مقصد سے۔
۔ کوئی بھی مواد جو ذیل میں ہمارے مواد کے معیارات کی تعمیل نہیں کرتا اسے بھیجنا، دانستہ طور پر وصول کرنا، اپ لوڈ کرنا، ڈاؤن لوڈ کرنا، استتعمال یا دوبارہ استعمال کرنا۔
۔ کوئی بھی بے طلب یا غیر مجاز اشتہار یا اشتہاری مواد یا ایسے بے طلب مواد کی کوئی بھی دیگر شکل (سپیم) کو نشر کرنا، یا بھیجنے میں سہولت پیدا کرنا۔
۔ دانستہ طور پر کوئی بھی ڈیٹا نشر کرنا، کوئی بھی ایسا مواد بھیجنا یا اپ لوڈ کرنا جو وائرسز، ٹروجنز، ورمز، لاجک-بموں، یا کی سٹروک لاگرز، سپائی ویئرز، ایڈ ویئر یا کسی بھی دیگر نقصان دہ مواد پر مشتمل ہو یا اس سے ملتا جلتا کمپیوٹر کوڈ جو کسی بھی کمپیوٹر سافٹ ویئر یا ہارڈویئر کے فعل کو متاثر کرنے کے لئے رقیبانہ طور پر تیار کیا گیا ہو۔

باہمی میل جول کی خدمات
ہم SalamWeb مصنوعات اور خدمات پر وقتاً فوقتاً باہمی میل جول کی خدمات مہیا کر سکتے ہیں، بشمول، لیکن انہی تک محدود نہیں:
۔ چیٹ رومز؛
۔ بلیٹن بورڈز؛
۔ میسیجنگ؛ اور
دیگر خدمات؛۔
(“باہمی میل جول کی خدمات”)۔
ہم باہر کے لوگوں سے صارفین کے لیے (اور خصوصاً، بچوں کے لیے) کسی بھی ممکنہ خطرات کی تخمینہ کاری کی بھرپور کوشش کریں گے جب وہ SalamWeb مصنوعات اور خدمات پر فراہم کردہ کوئی بھی باہمی میل جول کی خدمت استعمال کرتے ہیں، اور ہر صورت میں ہم ہی فیصلہ کریں گے آیا کہ ان خطرات کی روشنی میں متعلقہ خدمت میں ثالثی (بشمول کس قسم کی ثالثی استعمال کرنی ہے) کو استعمال کرنا موزوں ہے۔ تاہم، ہم پر کوئی فرض عائد نہیں ہوتا کہ ہم SalamWeb مصنوعات اور خدمات پر جو کوئی بھی باہمی میل جول کی خدمات فراہم کرتے ہیں اس پر نظر رکھیں، اس کی نگرانی کریں یا اس میں ثالثی کریں، اور ہم اپنے مواد کے معیارات کی خلاف ورزی میں ایک صارف کی جانب سے کسی بھی باہمی میل جول کی خدمت کے استعمال سے پیدا ہونے والے نقصان یا ضرر کی ذمہ داری سے دو ٹوک الفاظ میں بریت کا اعلان کرتے ہیں، خواہ وہ خدمت ثالثی میں ہوتی ہے یا اس کے بغیر۔
کسی بھی نابالغ (18 سال سے کم عمر فرد) کی جانب سے ہماری باہمی میل جول کی خدمات میں سے کسی ایک کا بھی استعمال ان کے والدین یا سرپرستوں کی رضامندی سے مشروط ہے۔ ہم ان والدین کو جو اپنے بچوں کو باہمی میل جول کی خدمت استعمال کرنے کی اجازت دیتے ہیں، یہ مشورہ دیتے ہیں کہ یہ اہم ہے کہ وہ اپنے بچوں کے ساتھ ان کی اپنی آن لائن حفاظت کے متعلق بات چیت کریں، کیونکہ ثالثی نقائص سے پاک نہیں ہوتی۔ وہ نابالغ جو کوئی بھی باہمی میل جول کی خدمت استعمال کر رہے ہیں انہیں ان کو لاحق ممکنہ خطرات سے آگاہ کیا جانا چاہیئے۔

مواد کے معیارات
مواد کے ان معیارات (“مواد کے معیارات”) کا اطلاق کسی بھی اور تمام مواد پر ہوتا ہے جن میں آپ SalamWeb مصنوعات اور خدمات پر حصہ ڈالتے ہیں (“حصہ ڈالنا”)، اور اس کے ساتھ منسلک کسی بھی باہمی میل جول کی خدمات پر۔
مواد کے معیارات کی تعمیل اس کی روح اور ساتھ ہی ساتھ اس کے الفاظ میں کرنا لازمی ہے۔ معیارات کا اطلاق کسی بھی حصہ ڈالی گئی چیز کے ہر جزو نیز اس کے کُل پر ہوتا ہے۔
ہم، اپنی صوابدید سے، تعین کریں گے آیا کہ حصہ ڈالی گئی کوئی چیز مواد کے معیارات سے انحراف کرتی ہے۔
ایک حصہ ڈالی گئی چیز لازماً:
۔ بالکل درست ہو (جہاں یہ حقائق بیان کرتی ہے)۔
۔ حقیقتاً رکھی گئی ہو (جہاں یہ آراء کو بیان کرتی ہے)۔
۔ کسی بھی ملک جہاں سے یہ پوسٹ کی گئی ہے میں قابلِ اطلاق قانون کی تعمیل کرتی ہو۔
ایک حصہ ڈالی گئی چیز قطعاً:
۔ کسی بھی فرد کی ہتک نہ کرتی ہو۔
۔ فحش، نازیبا، نفرت انگیز یا اشتعال انگیز نہ ہو۔
۔ خالصتاً جنسی مواد کو فروغ نہ دیتی ہو۔
۔ تشدد کو فروغ نہ دیتی ہو۔
۔ نسل، جنس، مذہب، قومیت، معذوری، جنسی تعارف یا عمر کی بنیاد پر امتیاز کو فروغ نہ دیتی ہو۔
۔ کسی بھی شخص کے حقِ اشاعت، ڈیٹا بیس کے حق یا مارکہ کی خلاف ورزی نہ کرتی ہو۔
۔ کسی فرد کو غالباً دھوکہ نہ دیتی ہو۔
۔ کسی باہر کے فرد کے ذمے قانونی فرض سے انحراف نہ کرتی ہو، جیسے کہ ایک معاہدی فرض یا اعتماد کا فرض۔
۔ کسی غیر قانونی سرگرمی کو فروغ نہ دیتی ہو۔
دوسرے کی رازداری کے لیے خطرہ، اس کا بیجا استعمال یا اسے برباد نہ کرتی ہو، یا برہمی، بے آرامی یا بلاضرورت اندیشے کا سبب نہ بنتی ہو۔
۔ کسی دوسرے فرد کو ہراساں کرنے، پریشان کرنے، شرمندہ کرنے، چوکنا کرنے یا ناراض کرنے کا امکان نہ رکھتی ہو۔
۔ کسی بھی شخص کی تلبیس نہ کرتی ہو، آپ کی شناخت یا کسی فرد کے ساتھ وابستگی کی غلط تشریح نہ کرتی ہو۔
۔ یہ تاثر نہ دیتی ہو کہ حصہ ڈالی گئی چیز ہماری جانب سے جاری کردہ ہے، اگر ایسی صورت نہیں ہے تو۔
۔ کسی بھی فریق کو کوئی بھی غیر قانونی یا مجرمانہ فعل انجام دینے، یا اس میں معاونت کرنے پر اس کی وکالت نہ کرتی ہو، اسے فروغ نہ دیتی ہو، یا اس پر اکساتی نہ ہو، جیسے کہ (صرف مثال کے لیے) حقِ اشاعت کی خلاف ورزی یا کمپیوٹر کا غلط استعمال۔
۔ ایسے بیان پر مشتمل نہ ہو جو آپ کے علم یا خیال میں، یا خیال ہونے کے لیے مناسب بنیاد رکھتی ہے، کہ عوام الناس جن کے لیے یہ بیان شائع ہوا ہے، یا ہو سکتا ہے، غالباً بلاواسطہ یا بالواسطہ طور پر اسے دہشت گردی کا ایک فعل انجام دینے، اس کی تیاری کرنے یا اس کی ترغیب دینے کی حوصلہ افزائی کرے گا یا دیگر تحریکیں دے گا۔
۔ کسی بھی مشہوری یا کوئی بھی خدمات یا دوسری سائٹوں کے ویب روابط پر مشتمل نہ ہو۔
آپ پروانہ دیتے ہیں کہ ایسی حصہ ڈالی گئی کوئی بھی چیز ہمارے قابلِ قبول استعمال کی پالیسی کی تعمیل کرتی ہے، اور آپ اس پروانے کی کسی بھی خلاف ورزی کے لیے ہمیں جوابدہ ہوں گے اور نقصان کی تلافی کریں گے۔ اس کا مطلب ہے کہ آپ کسی بھی نقصان یا ضرر کے لیے ذمہ دار ہوں گے جو ہمیں آپ کے پروانگی کی خلاف ورزی کرنے کے نتیجے میں اٹھانا پڑتا ہے۔
کوئی بھی مواد جو آپ SalamWeb مصنوعات اور خدمات پر اپ لوڈ کرتے ہیں اسے غیر خفیہ اور غیر ملکیتی تصور کیا جائے گا۔ آپ اپنے مواد میں حقوقِ ملکیت رکھتے ہیں، مگر آپ کو درکار ہے کہ ہمیں اور SalamWeb مصنوعات اور خدمات کے دیگر صارفین کو ایک غیر استثنائی، دنیا بھر میں، رائلٹی سے پاک حق دیں کہ ایسے مواد کو بغیر وقت کی حدود کے استعمال اور تقسیم کر لیں۔
ہمیں یہ حق حاصل ہو سکتا ہے کہ آپ کی شناخت کا انکشاف کسی باہر کے فرد پر کریں جو دعویدار ہو کہ آپ کی جانب سے SalamWeb مصنوعات اور خدمات پر پوسٹ کردہ یا اپ لوڈ کردہ کوئی بھی مواد یا متعلقہ خدمات ان کے دانشورانہ ملکیتی حقوق کی، یا ان کے حقِ رازداری کی خلاف ورزی ہے یا ان کے لیے ہتک آمیز ہے۔
ہمیں حق حاصل ہے کہ آپ کی جانب سے SalamWeb مصنوعات اور خدمات پر پوسٹ کردہ کسی بھی چیز کو ہٹا دیں اگر، ہماری رائے میں، آپ کی پوسٹ ہمارے مواد کے معیارات کی تعمیل نہیں کرتی۔
ہم حق محفوظ رکھتے ہیں (لیکن کوئی فرض عائد نہیں ہو گا) کہ SalamWeb مصنوعات اور خدمات کی جانب سے کسی بھی یا تمام مواد یا متعلقہ خدمات کی پیشگی چھانٹی کریں، جائزہ لیں، فلیگ کریں، فلٹر کریں، تبدیل کریں، مسترد کریں یا اسے حذف کر دیں۔
ہم واضح مواد یا متعلقہ خدمات کو فلٹر کرنے کے لیے ٹولز فراہم کر سکتے ہیں۔ مزید برآں، ایسے مواد تک رسائی کو محدود کرنے کے لیے تجارتی طور پر خدمات اور سافٹ ویئر دستیاب ہیں جو آپ کو قابلِ اعتراض لگتا ہو۔
آپ اپنے مواد کو محفوظ بنانے اور اس کی پشت پناہی کرنے کے لیے بلا شرکتِ غیرے ذمہ دار ہیں۔

قابلِ قبول استعمال کی پالیسی کی خلاف ورزی
جب ہم سمجھتے ہیں کہ ہماری قابلِ قبول استعمال کی پالیسی کی خلاف ورزی ہوئی ہے، ہم ایسے عمل کو ایسے لے سکتے ہیں جسے ہم مناسب تصور کرتے ہیں۔
قابلِ قبول استعمال کی پالیسی کی تعمیل کرنے میں ناکامی ان شرائط کی ایک مادی خلاف ورزی تشکیل دیتی ہے، اور ہماری جانب سے مندرجہ ذیل تمام یا کوئی بھی کارروائی کرنے پر منتج ہو سکتی ہے:
۔ SalamWeb مصنوعات اور خدمات کو استعمال کرنے کے آپ کے حق سے فوری، عارضی یا مستقل دستبرداری۔
۔ آپ کی جانب سے SalamWeb مصنوعات اور خدمات پر اپ لوڈ کردہ کسی بھی ڈالے گئے حصے کا فوری، عارضی یا مستقل خاتمہ۔
۔ آپ کو ایک انتباہ کا اجراء۔
۔ خلاف ورزی کے نتیجے میں ایک ہرجانے کی بنیاد پر تمام لاگتوں کی تلافی کے لیے آپ کے خلاف قانونی کارروائی (بشمول، لیکن انہی تک محدود نہیں، موزوں انتظامی اور قانونی لاگتیں)۔
۔ آپ کے خلاف مزید قانونی کارروائی۔
ہم تمام کارروائیوں کے لیے اپنی ذمہ داری کو مستثنیٰ رکھتے ہیں جو انہیں اس قابلِ قبول استعمال کی پالیسی کی خلاف ورزوں کے جواب میں کر سکتے ہیں۔ ہم جو کارروائیاں کر سکتے ہیں وہ اوپر بیان کردہ کارروائیوں تک محدود نہیں ہیں، اور ہم کوئی بھی دوسری کارروائی کر سکتے ہیں جو یو اے ای کے قوانی اور ضوابط کے تحت قابلِ اجازت ہے۔

وہ حقوق جو آپ ہمیں اپنی طرف سے اپ لوڈ کردہ مواد کے استعمال کے لیے دے رہے ہیں
جب آپ SalamWeb مصنوعات اور خدمات میں کوئی حصہ ڈالتے ہیں، آپ ہمیں اور ہماری مصنوعات اور خدمات کے صارفین کو ایسے مواد کو استعمال کرنے اور تقسیم کرنے کا ایک غیر استثنائی، دنیا بھر کے لیے، رائلٹی سے پاک حق دیتے ہیں۔

آپ کی جانب سے اٹھائے جانے والے نقصان یا ضرر کے لیے ہماری ذمہ داری
ہم اپنی جانب سے آپ کے سامنے جوابدہی کو کسی بھی طریقے سے مستثنیٰ یا محدود نہیں رکھتے جہاں ایسا کرنا غیر قانونی ہو گا۔ اس میں ہماری غفلت یا ہمارے ملازمین، ایجنٹوں یا ذیلی ٹھیکیداروں کی غفلت کی وجہ سے ہونے والی موت یا ذاتی چوٹ کی ذمہ داری اور دھوکہ دہی یا دھوکے بازی سے غلط نمائندگی شامل ہیں۔
براہِ کرم ذہن نشین رکھیں کہ ہم SalamWeb مصنوعات اور خدمات صرف گھریلو اور ذاتی استعمال کے لیے فراہم کرتے ہیں۔ آپ متفق ہیں کہ SalamWeb مصنوعات اور خدمات کسی بھی تجارتی یا کاروباری مقاصد کے لیے استعمال نہیں نہیں کریں گے، اور ہماری جانب سے آپ کو کسی بھی منافعے سے محرومی، کاروباری نقصان، کاروبار میں خلل، یا کاروباری موقعے سے محرومی کی کوئی ذمہ داری نہیں ہے۔
اگر ناقص ڈیجیٹل مواد جو ہم نے فراہم کیا ہے ایک آلے یا آپ کے ڈیجیٹل مواد کو نقصان پہنچاتا ہے اور اس کی وجہ ہماری جانب سے مناسب احتیاط اور ہنر استعمال کرنے میں ناکامی ہے، ہم یا تو نقصان کی مرمت کریں گے یا آپ کو زرِ تلافی ادا کریں گے۔ البتہ، ہم اس نقصان کے ذمہ دار نہیں ہوں گے جس سے آپ کو مفت پیش کی گئی ایک تجدید کو لاگو کرنے کے ہمارے مشورے کے بعد آپ بچ گئے ہیں یا اس نقصان کے لیے جو آپ کے انسٹالیشن کی ہدایات پر درست عمل کرنے میں ناکامی کی وجہ سے یا ہماری جانب سے تجویز کردہ سسٹم کے کم از کم تقاضوں کے ہونے کی وجہ سے ہوا ہے۔

ہم آپ کی ذاتی معلومات کو کیسے استعمال کر سکتے ہیں
ہم آپ کی ذاتی معلومات کو صرف ہمارے رازداری کے نوٹس میں بیان کردہ کے مطابق استعمال کریں گے۔

ہم وائرسز کے لیے ذمہ دار نہیں ہیں اور پر لازم ہے کہ انہیں قطعاً متعارف نہ کروائیں
ہم یہ ضمانت نہیں دیتے کہ SalamWeb مصنوعات اور خدمات محفوظ ہوں گی یا نقائص یا وائرسز سے پاک ہوں گی۔
آپ اپنی انفارمیشن ٹیکنالوجی، کمپیوٹر پروگرام اور پلیٹ فارم کو SalamWeb مصنوعات اور خدمات تک رسائی کے لیے تشکیل دینے کے ذمہ دار ہیں۔ آپ کو وائرس سے بچاؤ کا اپنا سافٹ ویئر استعمال کرنا چاہیئے۔
آپ کو دانستہ طور پر وائرسز، ٹروجنز، لاجک بم یا دیگر مواد جو خبیث یا ٹیکنالوجی کے لحاظ سے نقصان دہ ہے متعارف کروا کر SalamWeb مصنوعات اور خدمات کا غلط استعمال قطعاً نہیں کرنا چاہیئے۔ آپ SalamWeb مصنوعات اور خدمات، وہ سرور جس پر SalamWeb مصنوعات اور خدمات ذخیرہ ہیں یا SalamWeb مصنوعات اور خدمات سے منسلک کسی بھی سرور، کمپیوٹر، ڈیٹابیس تک غیر مجاز رسائی پانے کی قطعاً کوشش نہ کریں۔  آپ پر لازم ہے کہ SalamWeb مصنوعات اور خدمات پر خدمت سے انکار (denial-of-service) والے حملے یا تقسیم کردہ خدمت سے انکار والے حملے کے ذریعے حملہ کرنے کی کوشش مت کریں۔ اس شرط کی خلاف ورزی کر کے، آپ وفاقی فیصلہ-قانون نمبر (5) مجریہ 2012 “سائبر کرائمز سے لڑنا” کے تحت ایک مجرمانہ فعل انجام دے رہے ہو سکتے ہیں ہم ایسی خلاف ورزوں کی اطلاع متعلقہ قانون نافذ کرنے والے حکام کو دے سکتے ہیں اور ہم ان حکام کے ساتھ تعاون کریں گے۔ ایسی کسی خلاف ورزی کی صورت میں، آپ کا SalamWeb مصنوعات اور خدمات استعمال کرنے کا حق فوری طور پر ختم کر دیا جائے گا۔

کسی بھی تنازعہ پر کس ملک کے قوانین کا اطلاق ہوتا ہے؟
معاہدی تنازعات متحدہ عرب امارات کے قانون کے تحت آتے ہیں جس کی عدالتوں کا ایسے کسی بھی تنازعہ پر غیر استثنائی دائرۂ اختیار ہو گا۔